張明偉（Aaryn）憑處境劇《愛•回家之開心速遞》飾演補習天王George「佐治」一角成功入屋，不過佢疑因喺上年7月中到學校門外自彈自唱《銀河修理員》，觸動到藝員部嘅敏感神經，而被踢出劇組兼被無綫雪藏，當時唔少網民留言表示不捨及支持佢過檔ViuTV。Skechers Shoes Outlets 喺日前張明偉作客陳志雲節目《Stephen‧傾》指下月將與TVB完約，並會積極發展音樂事業。去到噚日（6日），張明偉與其樂隊Charming Way就為ViuTV音樂節目《Chill Club》擔任嘉賓。
喺噚日，張明偉喺IG上載照片並留言話：「全靠大家集氣成功！今晚9:30<Chill Club>見。 #感恩 #nevergiveup」之後，唔少網民都非常興奮留言支持佢，例如「好開心，可以再次係電視上見到你，今晚一定睇」、「恭喜，踏出成功第一步」、「終於可以喺ViuTV 見到你」、「Omg..一定要睇啦」、「恭喜你呀！！係好開始！！加油」及「好開心呀為你加油」等等。
喺噚晚嘅《Chill Club》中，Charming Way與Ashi合唱《Blue Moon Day》，身為樂隊主音及結他手嘅Aaryn表現落力，非常享受整個過程，唔少網民睇完表演後到紛紛留言大讚張明偉，例如「睇緊，blue moon day 歌詞簡潔 好聽」、「睇左, 正wor,Hey Dude Women’s Shoes 雖然都鍾意你做佐治不過你唱歌仲正, 加油呀!」、「今晚睇Chill club , 幾型喎⋯⋯阿George sir , as I no more TVB in recent years. Good show!!」、「好開心啱啱喺viu見到你，一大驚喜，唱得超級無敵咁好聽」、「多啲去下ViuTV ，睇下有冇合作機會啦」、「專登等睇你！首歌好有feel 呢個look 好JENG好啱你！加油！」及「終於可以做返自己，你們隊band好正呀」等等。