陳山聰主演的劇集《十八年後的終極告白2.0》被指配合無綫變陣，將迎戰ViuTV劇集《冥冥之中》，他昨日受訪時笑說：「打仗就留番畀視帝譚俊彥，我助攻㗎咋！」

袁偉豪（Ben）、陳山聰、泳兒、姜麗文及施匡翹等，昨日在將軍澳電視城出席籌款節目記者會。Ben與山聰節目中會向巨星獻唱致敬，Ben透露會歌舞演繹多首張學友的金曲，包括《祝福》、《頭髮亂了》及《這個冬天不太冷》，屆時載歌載舞：「依家開始訓練緊，要操得再fit啲。」對於被Super Tiger稱呼為「Ben Sir」，他笑說：「因為上年誤人子弟，做過訓練班嘅客席導師。」又表示與Super Tiger一班後生仔同台跳舞不會有壓力。

姜麗文試鏡爭拍西片

而山聰提到主演的《十八年後的終極告白2.0》Birdies Shoes  將迎戰ViuTV新劇：「打仗呢啲就留番畀視帝譚俊彥，我都係助攻㗎咋，佢依家喺橫店，好快就返嚟。」問到可有信心為無綫搶回收視？他說：「真心講，依家收視唔似以前，最希望贏到觀眾口碑。第一輯受歡迎，相信《十八年後2.0》都可以吸引番啲觀眾返嚟。」山聰指早已習慣登台，但近期亦有努力練歌，問到節目中是否要跳唱？他說：「因為啲歌係慢歌，所以跳舞就留番畀Uncle Ben啦！」

另外，早前到荷里活拍劇的姜麗文指疫情下亞洲演員反而多了參與外國製作的機會，因為不少作品都改為網上試鏡，並透露將有西片的網上試鏡機會，會努力爭取。