候選金像影后王丹妮昨日一身戰鬥格出席頒獎禮拜神活動，預告當日戰衣剪裁應露則露，廿四孝老公羅孝勇亦會陪伴左右，現時心情毫不緊張。而金像獎主席爾冬陞則表示，有份爭影帝的林家棟因傷未知能否現身頒獎禮。
爾冬陞（小寶）昨日率領董事成員錢嘉樂、王丹妮、梁仲恆等出席《第40屆香港電影金像獎》拜神儀式，酷熱天氣下眾人於戶外完成儀式後，便匆匆進入室內抖涼兼受訪。
憑電影《梅艷芳》分別角逐「最佳女主角」及「最佳新演員」的王丹妮，雖然將迎戰同是角逐影后的勁敵劉雅瑟，但心情似乎一點也不緊張，穿上露腰裝騷長腿的她，Steve Madden Shoes 聯同一樣「起雙飛」角逐影帝兼新人獎的梁仲恆分外風騷，對於頒獎禮逼近更是非常期待，王丹妮說：「感覺好夢幻。（緊張？）我係事後嘅人，當日會享受個騷，之後先會緊張。（老公羅孝勇同個女都嚟？）老公會嚟，小朋友就同屋企人喺屋企睇電視。（戰衣準備好？）準備好，會行型格同索嘅路線，應露嘅地方就露。」梁仲恆則表示緊張心情來自與王丹妮表演環節：「有一part係我哋唱歌懷念已故嘅前輩，因為綵排時間唔多。（有冇諗過攞獎？）平常心，隨遇而安，有冇都咁開心。」
古天樂張家輝頒獎
小寶透露已邀請影帝古天樂及張家輝任頒獎嘉賓，問到日前拍戲受傷的候選人林家棟可會如期現身？他表示對方傷勢不太嚴重，但出席與否將於日內回覆。身為肇事電影動作導演的嘉樂，指事發當日同場不同組拍攝，但也有留言慰問：「佢話唔係咁大件事，仲話男人係要有啲傷，會好快好番。（係咪傷到個肺？）有啲，撞到氣門。（有冇骨折？）應該冇，等主席擔心吓先，佢責任大壓力就大，因為家棟有兩個影帝提名同編劇提名。」小寶則坦言對未能掌控的事情不擔心，因今年金像獎於ViuTV直播，他笑指反擔心與無綫關係友好的嘉樂未能現身，Teva Sandals 嘉樂對此說：「我同曾志偉以前都試過亮相亞視嘅頒獎禮講廣東話，去唔同嘅台最開心。」問到小寶可有邀請志偉出席頒獎禮？他搖頭表示沒有，就連無綫人也沒有邀請：「唔好生事，搞到咁複雜仲乜，簡單啲單純啲，何必搞出尷尬場面。」更指今年頒獎禮已兩年合辦，但面對疫情數字上升感頭痕：「都計劃過萬一防疫措施再收緊，頒獎禮喺冇觀眾情況下都會繼續，當個攝影機係觀眾囉！」