高海寧與張振朗昨日宣傳新劇，首次飾演情侶的2人表示，外間對他們的「新CP」反應佳，期望再合體拍續集，高Ling更表示獲前輩黃日華讚賞。
高海寧（高Ling）、張振朗、區明妙與楊卓娜等，昨日出席無綫劇《童時愛上你》的宣傳活動。以露腰裝上陣的高Ling表示劇集播出後反應不俗，多了一班小朋友粉絲：「好多父母會同小朋友一齊睇呢套劇，好開心。喺街度我就算冇化妝戴埋口罩，小朋友都認得我。」Hoka Shoes 而振朗指今次首度跟高Ling演情侶，外界對他們的CP組合反應甚好：「希望開第2季再合作，由我變做8歲小朋友。」
區明妙努力減磅
談到收視一般，高Ling坦言控制不到，覺得口碑最重要：「黃日華有傳短訊讚我同振朗做得好，話我演8歲小朋友演得自然，又讚振朗係個好對手。」問到會否覺得被ViuTV的劇集搶去收視？振朗認為多一個選擇給觀眾是好事，自己已盡演員本分。本月20日生日的他表示於工作中度過：「要繼續拍《靈戲逼人》。（拍檔龔嘉欣好番未？）佢好番晒，之後會復工。」Steve Madden 至於仍未傾好續約的高Ling，主力參演綜藝節目。
而區明妙在劇中飾演楊卓娜的年輕版，她表示正拍攝兩套劇，終於有自己角色：「我喺《婚後事》飾演大學生，比較大膽，有親熱戲同感情線。」又指應導演要求減肥：「減咗6公斤，依家44公斤，想搣甩包包面，想塊面再瘦少少，我有做刮痧瘦面。」
