張敬軒前晚驚喜現身鄭伊健主演的新片首映禮，忙拍賀歲電影的軒仔謙稱前來取經外，又預告不讓拍檔魏浚笙專美，實行與「肌肉男神」鬥露，他兼任「萬歲王」請全組人員食「好西」增加士氣，希望有助新作票房大賣。

由鄭伊健與周家怡主演的英皇新片《深宵閃避球》前晚舉行首映禮，現已拍攝孭飛賀歲喜劇電影《超神經械劫案》的張敬軒突然驚喜現身，吸引粉絲逼爆戲院大堂，軒仔說：「我部電影都係《深》片導演應智贇操刀，所以嚟學嘢，同埋都係公司（英皇）新嘅投資，點都要瞓身支持。」他大讚《深》片演員周家怡及李靖筠投入演出，計劃包場以示支持。

他透露《超》片先跳拍動作場面，特別為演出操弗：「好似手臂咁，粗重嘢就留番畀Jeffrey（魏浚笙），佢套衫布都少啲，我哋就個個樽領。（咁你露乜？）我露兩手囉！」又稱會偕好友王菀之親身上陣打人，由於出動槍械，故會加倍小心。他預計11月煞科，會預先慰勞團隊，希望增加士氣。問到下一步可會考慮做導演？他稱要按部就班：「做好演員先啦，抱住一路做一路學嘅心態，上咗十幾堂學戲堂，拍檔白只幫咗好多。」

盼港產片多元化

近年減產的伊健坦言4年沒出席首映禮，目前只接想拍的電影，希望港產片更多元化，重現百花齊放的盛世。問到現於日本求學的太太蒙嘉慧近況？他坦言曾神秘見面，就算太太考試不合格也沒所謂：「就係唔叻先要讀，唔識先要去學，佢同人溝通OK嘅，預計完成紅館個唱後就搵太太。」提到10月4日是他55歲生日，他笑言生日願望是「愈嚟愈好」。另外，陳家樂剛由內地公幹返港，他在台上說：「一直想同鄭伊健合作，同導演講完就有得客串，好開心呀！」