劉佩玥（Moon）2013年香港小姐季軍出身，入行9年嘅佢不停喺演藝路上尋求突破，由2015年《四個女仔三個BAR》乖乖女見習事務律師Holly、《幕後玩家》「最強小三」Emma、《換命真相》性感演出、《把關者們》媽媽角色、《降魔的》啤啤、到去年播出嘅《逆天奇案》演繹反派，Keen Outlet 被觀眾大讚有進步兼且將角色詮釋到位。去到最近，導演葉念琛現在開拍以大熱韓劇《Penthouse上流戰爭》為藍本嘅TVB劇集《美麗戰場》，而劉佩玥亦係主要演員之一。多年嚟Moon仍未有機會坐正女一，亦有部分觀眾著眼於劉佩玥嘅緋聞身上。
劉佩玥多年嚟緋聞不絕，先後與黃又南、翟威廉、黃子恆等傳出緋聞，被封「娘娘」，又被指拜金；較令人印象深刻嘅必然係與伍允龍嘅緋聞，當時伍允龍仲帶埋劉佩玥出席與Jessica C.嘅老友聚會，不過劉佩玥就表示與伍允龍只係喺劇中過電，對方私底下係大哥哥。另外亦曾傳出賭王何鴻燊兒子何猷亨深夜探班，力追劉佩玥，但劉佩玥同樣否認。而近年，劉佩玥就與周志文傳緋聞，即使從未公開承認戀情，僅以好朋友相稱，但劉佩玥就被多次影到上男方位於藍田平田邨嘅公屋；早前又藉520隔空傳情，令關係越來越浮面。
對於擇偶條件，劉佩玥曾表示最緊要係相處到及關係對等，公屋出身、AA制等完全無問題，對於收禮物，劉佩玥就豪言買袋畀佢會嬲，自己大把錢，唔使對方送畀佢。Sam Edelman Boots 劉佩玥仲透露讀大學時已靠兼職賺取生活費，亦透過「333儲蓄法」儲錢，將薪金分成3份，分成洗費、儲蓄及家用，同時，記低生活上大小支出、每月準時交還卡數、消費前「三思而後行」，量力而買，例如價格較貴但質量好嘅衫可以著上好幾年，比平衫更抵買；而呢啲方法都令劉佩玥當年出嚟做嘢後，好快就償還到大學借貸，仲可以供細佬讀書，相當叻女。