《聲夢傳奇2》的冠軍今晚誕生，學員在決賽前積極排練之際，竟意外野生捕獲「歌神」陳奕迅（Eason），更獲面對面展開2分鐘的「與神對話」，Eason親自傳授參賽心得；而大熱的Sabrina準備以蝴蝶裝出戰，似寓意要破繭而出爭取成傳奇新星。
《聲夢傳奇2決賽》今晚假將軍澳電視城舉行，首屆「三料冠軍」炎明熹及亞軍姚焯菲擔任表演及頒獎嘉賓。最後五強學員趙紫諾（Sabrina）、趙小婷（Pamela）、黃洛妍（Janees）、任暟晴（Jasmine）及組合XiX，連日來瞓身排練作最後衝刺。
當學員備戰期間，得知陳奕迅正於鄰近的邵氏廠房拍攝廣告，即希望可與「歌神」合照，疼錫學員的導師Eric Kwok即出面圓學員心願，而合照期間，學員把握「講兩句」機會，而Eason亦有問必答，雖只短短2分鐘，已令學員相當感動，事後更在社交網甫合照分享。
以「心心眼」形容自己的Janees留言：「Eason同我哋分享咗佢參加新秀比賽嘅經歷，當時上台服裝質料非常焗身，但身為舞台表演者，點都會以表演為上。」Jasmine則搞笑留言：「媽咪，我見到陳奕迅，好驚訝，其實我有啲仲未回神。」並指Eason贈言：「企到上舞台，唔好理其他人嘅眼光，唔好理佢哋覺得你唱成點，自己做好自己就得。」至於Pamela及Sabrina最飲恨，錯過跟Eason的見面機會，難怪Pamela留言：「我要P番自己上去。」
Sabrina蝴蝶戰衣有寓意
另外，無綫娛樂新聞台獨家曝光五強最新戰衣，其中Sabrina的入膊、騷腿粉藍色戰衣最亮眼，加上背後的大蝴蝶，據知跟其神秘表演項目有關。而Jasmine的設計師則特別為她準備有茉莉花立體剪裁的戰衣。
