煲劇追新戲睇到口淡淡，有冇興趣睇吓紀錄片？千祈唔好見到「紀錄片」三個字就嫌悶掉頭走，呢幾套關於環保嘅紀錄片，言之有物之餘，有啲仲睇到驚心動魄！睇完記得坐言起行呀～

Inconvenient Truth（絕望真相）

上年12月打風，加上近年冬天好多時都著到長袖衫出街，有冇令你擔心過地球暖化嘅問題？《絕望真相》會係了解呢個議題嘅最佳切入點。紀錄片由美國前副總統戈爾嘅著作改編，Vans Shoes For Womens  片中有唔少戈爾嘅演講片段，提供唔少數據揭示氣候變化問題。《絕》勝在夠準確，睇過嘅學者都認為片中嘅論述表達到正確科學觀念。

BEFORE the flood（洪水來臨前）

影帝Leonardo DiCarprio向來熱心環保，成立基金會之餘仲做埋監製推出呢套「災難片」。Leonardo親身以主持身份，走勻全球各地，俾觀眾睇下南極格陵蘭冰原融化情況，並揭露否定全球暖化講法嘅謬誤。呢套片成為National Geographic頻道有史以來最多人睇過嘅紀錄片，播出一周已經有超過3千萬次收睇。

A Life on our Planet

「阿Sir」David Attenborough拍攝生態紀錄片多年，拍到受英女皇封爵，亦廣受年青人歡迎，開IG唔駛5個鐘就有100萬人follow！阿Sir 2020年嘅A Life on our Planet，Hey Dude Women’s Shoes 前半段講大自然呢70年來嘅變化同危機，後半段提出拯救方案。呢套片既有阿sir作品必備嘅大自然動物生態鏡頭，亦有批判人類點樣搞壞地球，仲提出未來全在於人類選擇點樣過。

The Cove（海豚灣）

2010年奧斯卡最佳紀錄片，你未必記得係邊套，但講起成個海灣都畀獵殺鯨豚所流出嘅血染成紅色，呢個畫面有印象未？呢套片紀錄日本和歌山縣一個海岸「太地町」捕獵海豚嘅情況，漁民將海豚引到海灣圍困，再用利器將佢地逐一殺死……紀錄片帶來極大迴響，對日本鯨豚捕獵業界造成打撃。

Seaspiracy

舊年推出嘅Netflix紀錄片，由年僅27歲嘅Ali Tabazi執導，Yeezy Shoes 以新生代嘅角度同速度探討過度捕魚、捕鯨、塑膠污染等破壞海洋活動嘅情況，節奏明快之餘，仲有唔少以身犯險嘅偷拍鏡頭，包括放蛇去香港「了解」魚翅貿易活動！有評論人話睇完會唔想食魚，可想而知幾咁震撼。