早幾日新版《蝙蝠俠》電影預告片出爐，觀眾除咗想知新任蝙蝠俠 Robert Pattinson能否擔大旗之外，更加想知「小丑」一角會唔會出現。
因為飾演小丑而首奪影帝嘅祖昆馮力士，Hey Dude Shoes 演戲以外亦都關注環保議題，仲親身落場參與示威，算係荷里活明星當中行得最前嘅一批，仲試過做「前線巴」俾人拉！
祖昆馮力士細個睇見漁夫劏魚前將魚掟埋牆深感震撼，因此決定食素，近年更積極參與動物權益活動。祖昆馮力士自言，選擇食素係出於對動物嘅惻隱之心，唔想佢地受痛苦，而且認為畜牧業對地球生態有好大影響。
舊年年頭嘅頒獎禮季節，祖昆馮力士憑住《小丑》捧走多個大獎，喺金球獎嘅頒獎台上，佢致謝詞時公開感謝大會提供全素食物；而喺美國演員工會頒獎禮之後，祖昆馮力士並冇參加派對慶祝，反而係著住套禮服去到動物屠宰場參加示威！
而喺舊年一月拎完金球獎之後冇耐，Dr Martens Boots 祖昆馮力士同多位影星一齊出席華盛頓一個關注氣候變化嘅示威，並且喺台上發言，事後被當地警方以「擾亂公眾秩序」拘捕，不過好快就獲釋。
敢言嘅舉動並無影響祖昆馮力士嘅事業，依然有唔少大片有佢份，好似大導列尼史葛就搵祖昆馮力士拍新片Kitbag，飾演法國傳奇人物拿破崙。