ViuTV旗下男團MIRROR及ERROR人氣爆燈，掀起香港久違嘅追星熱潮，真係總有一個「鏡粉」及「錯粉」喺左近。佢哋粉絲數量龐大，當中有部份粉絲行為瘋狂，好似噚日（17日）MIRROR同ERROR部分成員返ViuTV總部為新劇宣傳，吸引唔少私追粉絲等候。Hey Dude Women’s Shoes 花姐喺噚晚於IG出story再一次談及「私追」問題，另外有指姜濤及Anson Kong亦有喺粉絲TG群組再一次呼籲粉絲要顧及安全。
有報道指噚日有唔少私追粉絲為見偶像一面，不惜喺停車場等候，當中仲有人帶埋小朋友一齊追星，未有顧及安全，差啲釀成意外。而花姐喺噚晚出IG Story，留言勸喻粉絲唔好再「私追」：「感謝大家喜愛舞台上的MIRROR，在舞台下，他跟我們一樣，需要有私人空間和好好休息的時間，才能創作更多好的作品給大家，在互相尊重下，懇請大家不要再進行「私追」」。
另外，Anson Kong噚日亦有返公司，佢就話目睹有粉絲冇顧及小朋友嘅安全，好擔憂佢哋嘅自身安全，所以佢多次喺粉絲TG群組呼籲唔好喺停車場等，Skechers Shoes 希望佢哋可以改喺其他地方等候。佢再話明白大家想見到偶像，不過如果佢向粉絲俾反應，咁即係變相鼓吹喺停車場等，但如果唔俾反應嘅話又會俾人話佢黑面，令佢感到兩難。