蔡卓妍（阿Sa）與王祖藍在新片譜出戀曲，2人一反外間認定的喜劇效果，改走文藝路線，阿Sa坦言起初曾感懷疑，但眼見對方為角色減磅，變得充滿氣質，才把疑慮一掃而空！

英皇電影《給我1天》是滿載香港集體回憶的愛情故事，阿Sa與王祖藍在片中度身訂造只此一天的約會，帶領觀眾重新發掘被忽略的景致及人文風景。劇組走遍全港，除了大會堂、天星碼頭等熱門景點外，2人住過的地方亦成為取景之地，阿Sa說：「祖藍住過深水埗，而香港仔舊大街係我成長嘅地方，今次都成為外景場地之一。」重遊最熟悉的老地方，她直言兒時回憶湧現：「我係南區之友，以前搭保母車，每次放學都要送晒所有同學去黃竹坑、香港仔等，跟住先去我屋企。」

擔心被誤會搞笑

對於與祖藍這個配搭被認定是搞笑組合，Birdies Shoes 她自爆起初也有懷疑，笑言雙方合唱過賀年歌，沒想過會合作愛情文藝片，但開工前看到祖藍的造型照，疑慮即一掃而空：「佢真係下過苦功，特別為角色減磅，成個人清秀咗，相當有氣質！」

祖藍則自爆太太李亞男看過劇本後，覺得男主角如同中學時代的他：「細個好鍾意畫畫同音樂，對愛情又執着，只要愛上一個人，咁多年之後都係一般地愛，外表似樂天派，內心憂傷又唔會畀人知，爸爸又唔喺度，呢幾方面都同角色好似，所以點解對劇本一見鍾情。」

再度跟阿Sa合作，他表示從傾談劇本開始，互相信任度已極高：「阿Sa拍過好多愛情戲，有一定觸覺，特別係從女性出發嘅劇本，所以一定要聽佢嘅想法，再從旁觀察，基本上佢喺戲入面係個童話角色。」