香港足球代表隊早前於印度出戰亞洲盃外圍賽，結果成功喺相隔54年再度躋身決賽周，令唔少香港球迷都大感興奮。現年25歲嘅前鋒安永佳除咗場上出色表現之外，其俊俏嘅混血兒臉孔同樣獲網民關注，引起熱烈討論，大讚佢靚仔兼封佢為「港版C朗」。
1997年喺香港出世嘅安永佳（Matthew Elliot Orr Wing Kai），係一名港紐混血兒，中學時就讀加拿大國際學校，並喺12歲開始多次代表香港出賽；18歲時前往美國升學，Hey Dudes Shoes 喺入讀舊金山大學時曾出戰美國大學聯賽。曾係傑志青年軍嘅安永佳，喺大學畢業後便回港加盟傑志，展開職業球員生涯，上年更係香港超級聯賽射手榜第一名。
擁有俊俏嘅混血兒臉孔嘅安永佳，擁有190cm身高，所以除咗係足球員之後，佢仲係一名模特兒，不時悉心打扮出席品牌活動。喺亞洲盃外圍賽後，安永佳人氣急升，唔少網民都大讚佢好靚仔、有型及封佢為「港版C朗」。